“Манлайлагчдын замналаас суралцахуй” сэдэвт чөлөөт уулзалт, ярилцлага зохион байгууллаа

Монголын Номын Сангуудын Консорциумаас сар бүр гишүүд, дэмжигчиддээ зориулсан сургалт, уулзалт, арга хэмжээг тогтмол зохион байгуулдаг бөгөөд энэ удаа “Манлайлагчдын замналаас суралцахуй” сэдвийн хүрээнд уулзалт, ярилцлагыг 2019 оны 10-р сарын 25-ны өдөр зохион байгууллаа.

Чөлөөт уулзалтын зочноор Шинжлэх ухааны доктор, СУИС-ийн профессор Ж.Цэзэн, Монгол Улсын соёлын гавъяат зүтгэлтэн Ш.Базар, профессор Үндэсний номын сангийн Мэргэжил арга зүй, эрдэм шинжилгээний хэлтсийн дарга Д.Энхтунгалаг, Хүүхдийн төв номын сангийн захирал Д.Оюунбилэг, Ахмад номын санч, Улаанбаатар хотын төв номын сангийн захирал асан О.Цацрал, БСШУСЯ-ны ахлах мэргэжилтэн Б.Баяраа, Улаанбаатар хотын төв номын сангийн ажилтан М.Цэнгэл, Номын сангаар аялагч Ж.Бэгзсүрэн  нар оролцсон юм.

Зочидтой хийсэн уулзалт, ярилцлага номын сангийн салбарын ажилтан, албан хаагчид, менежерүүд, залуу мэргэжилтнүүдэд чухал мэдээлэл болсон юм.

Уулзалтын үеэр Т.Хайдав, В.Түвшинтогтох нарын эрхлэн хэвлүүлсэн "Номын сангийн тухай яриа" номыг олон нийтэд түгээх, танилцуулах ажиллагаа явагдсан юм.  Уг номонд дээрх нэр бүхий 11 хүнтэй хийсэн ярилцлага багтжээ.