НОМЫН САНЧДЫН ЗӨВЛӨГӨӨНИЙГ АЖИЛТТАЙ ЗОХИОН БАЙГУУЛЛАА

“Mongolian library update” улсын зөвлөгөөнийг Монголын номын сангуудын консорциумоос 2014 оноос эхлэн жил бүр дотоодын номын сангууд болон номын санч, мэдээллийн ажилтнуудад тулгамдаж буй асуудлыг хэлэлцэх, гарцыг эрэлхийлэх, дуу хоолойгоо нэгтгэх, асуудлыг шийдвэрлэх зорилгоор салбарынхаа төрийн болон төрийн бус байгууллагуудтай хамтран зохион байгуулж ирсэн түүхтэй. 

Номын санч, мэдээллийн ажилтнуудын “Mongolian library update-2020” улсын YII зөвлөгөөнийг нээж Соёлын Яамны төрийн нарийн бичгийн дарга Г.Эрдэнэбат, Соёлын яамны Соёл гэгээрлийн газрын дарга Д.Наранцэцэг, Дотоод хэргийн их сургуулийн сургалт эрхэлсэн дэд захирал, доктор (Ph.D), цагдаагийн хурандаа Д.Эрдэнэбаатар, МНСК-ын гүйцэтгэх захиралд Ч.Мөнх-Эрдэнэ нар үг хэллээ.

Нээлтийн үеэр Солонгосын KSLA Мэргэжлийн номын сан холбооны ерөнхийлөгч Oh Jeong Hoon цахимаар мэндчилгээ дэвшүүлж, чуулганы үйл ажиллагаанд амжилт хүслээ.

Энэ удаагийн “Mongolian library update-2020” улсын VII зөвлөгөөнийг МонголУлсын Соёлын Яам, Монголын Номын Сангуудын Консорциум, Дотоод хэргийн их сургуультай хамтран 2020 оны 10 сарын 23-ны өдөр Дотоод хэргийн их сургуулийн төв номын санд боллоо.

Зөвлөгөөнд хот, хөдөөгийн 65 гаруй номын сангийн төлөөлөл болох 200 номын санч, мэдээллийн ажилтнууд оролцлоо. 

Зөвлөгөөнд Монгол Улсын Үндэсний номын сан, Хүүхдийн төв номын сан, Улаанбаатар хотын төв номын сан, их дээд сургууль, мэргэжил сургалтын төв, Ерөнхий боловсролын сургуулийн номын сан, хувийн хэвшлийн байгууллагын номын сан, орон нутгийн 19 нийтийн номын сангийн төлөөлөл оролцлоо. Мөн бусад холбогдох байгууллагын төлөөллүүдийг оролцуулснаараа онцлог боллоо.

Зөвлөгөөний үеэр Монгол Үндэсний номын сан, Хүүхдийн төв номын сан, Улаанбаатар хотын төв номын сан, Удирдлагын академи, ШУТИС, СУИС, МУБИС-ийн номын сангаас үнэт ховор болон шинэ содон ном бүтээлийн үзэсгэлэн гаргасны зэрэгцээ номын санд нэвтэрч буй шинэ техник технологийн үзэсгэлэн, Монголын номын сангийн салбарын 2019 оны “ОНЦЛОХ 10” номинацаар тус тус үзэсгэлэн гаргаж танилцууллаа. Энэ үеэр Интерном номын их дэлгүүр өөрийн номын үзэсгэлэн, худалдааг зохион байгуулсан.

Зөвлөгөөний хоёрдугаар хэсэг: Үргэлжлэх хугацаа 14.30-18.00 

Энэ хэсгийн зохион байгуулалтын онцлог нь зөвлөгөөнд оролцогчдын оролцоог хангах зорилгоор 5 сэдвийн (зөвлөгөөний бэлтгэл ажлын хүрээнд номын санчдаас санал асуулгаар тодруулсан) хүрээнд панел хэлэлцүүлгийн хэлбэрээр зохион байгуулсан. Панел хэлэлцүүлэгийн сэдэв, чиглүүлэгчид

• Номын сангийн эрх зүйн орчин Соёлын яам Б.Баяраа, АШУҮИС-ийн номын сан Т.Лувсаннямаа
• Хүний нөөц-мэргэжлийн үнэлэмж Улаанбаатар хотын төв номын сан Д.Индра, Хүүхдийн төв номын сан Г.Буянцэцэг
• Номын сангийн мэдээллийн технологи МУБИС-ийн номын сан Ж.Баатарсүрэн, ШУТИС-ийн номын сан О.Ариунжаргал
• Сургалт, арга зүй, хөгжил  Үндэсний номын сан Г.Гүнжинлхам, Б.Сарандэлгэр
• Бүтээлч санаачлага-инноваци Улаанбаатар хотын нийтийн төв номын сан М.Цэнгэл, МҮИС-ийн номын сан Б.Эрдэнэ

Номын сангийн салбарт үр бүтээлтэй ажилласан зарим хүмүүст Засгийн газрын шагнал Соёлын тэргүүний ажилтан, Монголын номын сангуудын консорциумын шагнал Тэргүүний номын санч цол тэмдэгээр шагнуулав.

Уг арга хэмжээний үеэр СУИС-ийн номын сангийн эрхлэгч Б.Тунгалаг "Соёлын Тэргүүний Ажилтан" цол тэмдгээр шагнууллаа.

Мөн Хүүхдийн төв номын сангийн номын санч, Хэнтийн аймгийн номын санч, Дотоод хэргийн сургуулийн номын санч тус тус шагнууллаа.

Номын санчид сонирхсон хэлэлцүүлэгтээ сайн дураараа хуваагдан оролцсон бөгөөд сэдэв бүрт санал, бодлоо нээлттэй идэвхтэй илэрхийлж, хэлэлцүүлэг үр дүнтэй боллоо.

Номын санчдын зөвлөгөөний үеэр зохион байгуулсан 5 салбар хэлэлцүүлгийн үр дүнг санал, зөвлөмжийг нэгтгэн холбогдох байгууллагуудад хүргэх юм. Энэ удаагийн зөвлөгөөн нь оролцогчдын идэвх оролцоог хангаж, зохион байгуулалтын хувьд илүү боловсронгуй, үр дүнтэй үйл ажиллагаа болсныг оролцогчид онцолж, талархлаа илэрхийлж байв.

Зөвлөгөөний үеэр: Үндэсний номын сангийнм захирал Б.Ичинхорлоо, Удирдлагын академийн ахлах багш Ч.Баатар нарын хамт, 

Дотоод хэргийн их сургуулийн төв номын сангийн эрхлэгч, Цагдаагийн дэд хурандаа Ц.Мөнхзул өөрийн илтгэлийг хэлэлцүүлж байна. Уг зөвлөгөөнийг зохион байгууллахад хамран ажилласан Дотоод хэргийн их сургуулийн удирдлага, номын сангийн хамт олонд талархал илэрхийлье.

Хот, орон нутгийн 65 байгууллагын 200 номын санч мэдээллийн ажилтнууд өдрийн хоолны дараа, Дотоод хэргийн сургуулийн номын сан руу хэлэлцүүлэгт оролцохоор явж байна.

Номын санч, мэдээллийн ажилтнуудын “Mongolian library update-2020” улсын YII зөвлөгөөнд 200 номын санч оролцсон. Үүнээс 19 аймгийн төлөөлөл нийт 74 орон нутгийн номын санч оролцсон юм.